-** የኢት.ጉምሩክ ባለስልጣን v. ዎች; ዎች ክርክር የስራና ከተማ ልማት ሚ/ር በአ/ቁ 47/67 የተሰጠውን ስልጣን መሰረት አድርጎ የሰጠውን ውሣኔ የጠቅላይ ሚ/ር ቢሮ ለመሻር የሚያስችል ስልጣን የለውም የሚል ነው። ከመዝገቡ የጠቅላይ ሚ/ር ቢሮ የሥራና ከተማ ልማት የሰጠ

የሰ/መ/ቁ 23339

መጋቢት 13 ቀን 1999 ዓ.ም ዳኞች፡- አቶ ከማል በድሪ አቶ ፍስሐ ወርቅነህ አቶ አብዱልቃድር መሐመድ አቶ ጌታቸው ምህረቱ አቶ መስፍን እቁበዮናስ አመልካች፡- የኢት.ጉምሩክ ባለስልጣን ተጠሪ፡- እነ አቶ አበሮ ኢርጋኖ የመንግሥት ሰራተኞች የስራ ክርክር - የፍድራል ሲቪል ሰርቪስ ኮሚሽን አስተዳደር ፍርድ ቤት ስልጣን - የጉምሩክ ሰራተኞችን አስተዳደር በተመለከተ የገቢዎች ሚኒስትር የሚያወጣው መመሪያ - አዋጅ ቁ. 368/95 አንቀጽ 6/2/ለ የፍድራል ጠቅላይ ፍርድ ቤት የፍድራሉ ሲቪል ሰርቪስ ኮሚሽን አስተዳደር ፍርድ ቤት የተጠሪዎቹን ክርክር ተቀብሎ ያስተናግድ ሲል የወሰነውን ውሣኔ በመቃወም የቀረበ አቤቱታ ነው።

ውሣኔ፡ - የፍድራል ጠቅላይ ፍርድ ቤት የሰጠው ውሣኔ ተሽሯል።

የጉምሩክ ሰራተኞች የመንግሥት ሰራተኞች ቢሆኑም ከልሎች የፍድራል መ/ቤቶች ተለይተው የሚተዳደሩት የገቢዎች ሚኒስትር በሚያወጣው መመሪያ እንጂ በፍድራል መንግሥት ሰራተኞች አዋጅ ቁ. 262/1994 አይደለም።

107 108

የሰ/መ/ቁ 23339

13/7 ቀን 1999 ዓ.ም ዳኞች፡-

1. አቶ ከማል በድሪ
2. አቶ ፍስሐ ወርቅነህ
3. አቶ ዓብዱልቃድር መሐመድ
4. አቶ ጌታቸው ምህረቱ
5. አቶ መስፍን እቁበዮናስ አመልካች፡- የኢት.ጉምሩክ ባለስልጣን ተጠሪ፡- እነ አቶ አበሮ ኢርጋኖ መዝገቡን መርምረን የሚከተለውን ፍርድ ሰጥተናል፣ ፍ ር ድ፣ መዝገቡ ለሰበር ችሎት ላቀርብ የቻለው የአሁኑ አመልካች የካቲት 2A ቀን 1998 ጽፎ ባቀረበው የሰበር ቅሬታ ማመልከቻ መነሻነት ነው። ለሰበር አቤቱታው መነሻ የሆነው ክርክር የተጀመረው የአሁኖቹ ተጠሪዎች የአመልካች ድርጅት ሰራተኞች የነበሩ መሆናቸውን ገልፀው ጊዜው ያለፈ ይግባኝ ለማቅረብ እንዲፈቀድላቸው ለፍድራሉ ሲቪል ሰርቪስ ኮሚሽን አስተዳደር ፍ/ቤት የይግባኝ ማስፈቀጃ በማቅረባቸው ነው። የኮሚሽኑ ፍ/ቤት የቀረበውን አቤቱታ መርምሮ አመልካችን ሳይጠራ የአስተዳደር ፍ/ቤቱ የቀረበውን አቤቱታ ተቀብሎ ለመወሰን ሥልጣን የልለው መሆኑን በመግለጽ ብይን ሰጥቷል። የተሰጠው ብይን በመቃወም ለፍ/ጠቅላይ ፍ/ቤት ይግባኝ ቀርቦ ፍ/ቤቱ ታህሣሥ 12 ቀን 1998 በዋለው ችሎት የፍ/ሲቪል ሰርቪስ ኮሚሽን አስተዳደር ፍ/ቤት የሰጠውን ብይን በመሻር ይግባኙ ላፈቀድ ይገባል አይገባም የሚለውን አከራክሮ እንዲወስን በማዘዝ ጉዳዩን ወደ አስተዳደር ፍ/ቤት መልሶታል።

የአሁኑ የሰበር ቅሬታ ማመልከቻ የቀረበው በዚሁ ነጥብ ላይ ነው። የአሁኑ አመልካች በሰበር ቅሬታ ማመልከቻው ላይ እንደገለፀው፣ በአዋጅ ቁጥር 368/95 አንቀጽ 6/2/ /ለ/ መሰረት የባለሥልጣኑ መ/ቤት ሰራተኞች ሚኒስትሩ በሚያወጣው መመሪያ መሰረት የሚተዳደር መሆኑ እየታወቀና፣ የገቢዎች ሚኒስቴርም የባለሥልጣኑን ሰራተኞች አስተዳደር አስመልክቶ ቁ.01/22/41/3 በ23/02/98 የሰራተኞች አስተዳደር አጠቃላይ መመሪያ አውጥቶ እና በሥራ ላይ አውለው እያለ የፍድራሉ ጠቅላይ ፍ/ቤት የአመልካች መ/ቤት ሰራተኞች የሥራ ክርክር በፍድራሉ ሲቪል ሰርቪስ ኮሚሽን ይታይ ማለቱ የህግ ሥህተት ያለበት ነው ብለዋል።

ጉዳዩ ለሰበር ይቀርባል ተብሎ የግራ ቀኙ ክርክር ሰኔ 5 ቀን 1998 ተሰምቷል። በዚህ ጉዳይ በዋነኛነት የተያዘው ጭብጥ የኢትዮጵያ ጉምሩክ ሰራተኞች የሆኑት የተጠሪዎች ጉዳይ በአዋጅ ቁጥር 262/94 መስተናገድ ይገባዋል ወይስ አይገባውም? የሚለው ይሆናል። በአዋጅ ቁጥር 368/1995 በአንቀጽ 6/2/ /ለ/ መሰረት “የፍድራል መንግስት አዋጅ ቁጥር 262/1994 ቢኖርም እንኳን የባለሥልጣኑ ሰራተኞች አስተዳደር ሚኒስቴሩ በሚያወጣው መመሪያ መሰረት ይሆናል።” በማለት የደነገገ መሆኑ ይታወቃል። ይህንንም ተከትሎ በገቢዎች ቦርድ የሰራተኞቹን አስተዳደር በሚመለከት መመሪያ ወጥቶ ከጥቅምት 23 ቀን 1996 ጀምሮ በሥራ ላይ መዋሉ ተረጋግጧል። ይህ በዚህ ሁኔታ ተከናውኖ እያለ የሥር ፍ/ቤት “---የባለስልጣኑን ሰራተኞች አስተዳደር የሚኒስቴር መ/ቤቱ የሚያወጣው መመሪያ መሰረት ይሆናል የሚለው ቢተረጐም ስለሰራተኞቹ አስተዳደር ነክ ጉዳዮችን የሚመለከት መመሪያ ይሆን እንደሆን እንጂ በሰራተኞቹ በኩል የሚኖረው የዳኝነት ጥያቄ የት ቦታ? በማን ይታይ? የሚለውን በመመሪያ ላወሰን ይችላል የሚል ትርጉም ላሰጥ አይችልም።” በማለት የደረሰበት መደምደሚያ ከህጉ ዓላማና መንፈስ የራቀ ትርጉም የተሰጠበት መሆኑን ያመለክታል።